Annick Leroy
Goude ur vicher skiantour war an urzhiataerezh en akademiezh, em eus kroget gant un eil buhez e 2001 o vezañ kizeller. Dedennet bepred gant al lusk, e klaskan ar frankiz a ro an arem din. Ur c’hizeller skeudennaouet a-vremañ, skeudenniñ a ran korfoù krog en egor, kouezhadennoù ha diskargoù al lusk.
Dre roud ur splujadenn, dic’hizadur ur redadeg freuzus, pe diskar ur sinfonienn, da skouer, e klaskan treuzkas d’an arvesterien from ur skeudenn, o lezel ul lodenn eus an dilavaret hag eus ar varzhoniezh, evit kinnig dezho ar blijadur da grouiñ un istor, o hini, o kregiñ a-nevez bepred. Kas a ran ar c’horf evel un dra; klask a ran nerzh ha fromoù hep diskouez kig, zoken ma tiskouezan an den en e noazhded. Feal a-walc’h d’an anatomiezh, rak krediñ a ran e c’haller anavezout gwelloc’h an emzalc’hioù, e labouran ivez war an dachenn grafek ha pouezañ a ran war al linennoù nerzh evit kaout muioc’h a nerzh al lenn.
Kizelladurioù e Breizh
Annick Leroy
Anne Smith
Ganet e Breizh-Veur, Anne Smith he deus stummet evel livourez e skol-veur arz ha tresañ Ravensbourne e Londrez. Mont a reas da chom da Vreizh e 1988. Ganet e Brest ha sot gant al lec’hioù greantel ha gant bed ar morlu, he doa hunvreet mont e darempred gant arsanailhoù, listri, semaforoù, h.a. Divizet he deus neuze cheñch he broadelezh ha lakaat hec’h anv evit dont da vezañ livourez evit ar morlu, ur post a zigorfe an holl dorioù-se dezhi.
Dont a reas Anne Smith da vezañ gall e 2003 ha daou vloaz goude e voe anvet da livourez ofisiel ar morlu. An trede maouez e oa o kemer perzh e korf brudet Livourien ofisiel ar morlu. Ul lestr-pluj e oa he c’hentañ embarzhadenn (un dibab evit Anne Smith ag a zo klañv gant ar mor). Met buan-tre e tivizas mont war listri all. C’hwec’h miz he deus tremenet war vourzh an Étoile (ur vag eus Paimpol) e 2016. Ul lodenn a-bouez eus ar skipailh e oa, o kemer perzh e manioù, o tiwall an noz, hag all. Ofiser morlu eo ivez.Produiñ a reas 80 livadur war ar vag ha kontañ a reas ar veaj-se eus Brest d’an Arktika en ul levr : “Ar steredenn en heol hanternoz” . Er Gacilly eo he deus savet he studio. Ur c’hizellerez eo Anne Smith ivez. Diskouez a ra an arzourez ingal ha dastum a ra he c’hronikennoù mor e levrioù.
Kizelladurioù e Breizh
