Carlos Núñez
Gwelet e vez Carlos Núñez er bed a-bezh evel ur soner dreistordinal, unan eus ar re siriusañ hag eus ar re splannañ eus e remziad, ur gwir gannad eus Galiza hag eus an etrekeltiezh er bed a-bezh.
E garisma, e nerzh, e spered a-raok a lakaas anezhañ da vezañ brudet-tre, an hini a bouez bepred war harzoù e binvioù : ar binioù galisian – ar gaita – hag ar fleütoù.
Ganet e 1971, pedet e voe da seniñ evel soner e 1984 gant laz-seniñ sinfonek an Oriant, ur sonaozenn gant an Iwerzhonad Shaun Davey. E studioù enrollañ dispar e skol-veur Madrid a roas dezhañ ar priz “cum laude” hag ar Priz Dibenn ar Studioù dreistordinal. E 1989 e oa bet e enrolladenn gentañ : gant ar Chieftains e oa bet evit sonerezh ar film Iniz an Teñzor . Er memes bloaz e c’hounezas Trofe Macallan evit sonerien Gaita er FIL.
Pa voe embannet e bladenn solo kentañ, A Irmadade das Estrelas , e 1996, e oa Carlos un arzour brudet er bed a-bezh dija.
Abaoe ez eus bet kadarnaet statud dreistordinal Carlos Nuñez war ar blanedenn geltiek hollek gant un dousennad pladennoù studio, hep menegiñ e genlabouroù diniver gant arzourien a bep seurt, eus Dan Ar Braz da Roger Hodgon (Supertramp) dre Jordi Savall ha Sharon Shannon. Gant ouzhpenn ur milion a bladennoù gwerzhet er bed a-bezh ha prizioù e meur a vro, e kendalc’h Carlos Nuñez gant e ergerzhadegoù sonerezhel.
Carlos Núñez
& ar FIL
SETU
Bepred gwerzhet penn-da-benn, prouenn eus stagadenn publik an Oriant ouzh ar muiañ brezhonek eus Galisianed.
